അദ്ദിക്ർ

ദൃഷ്ടാന്തങ്ങള്‍ കൊണ്ടുദ്ദേശിക്കുന്നത് 7: 133-136 ല്‍ പറഞ്ഞ സംഭവങ്ങളാണ്. ആ ജനതയെ അന്ധകാരങ്ങളില്‍ നിന്ന് പ്രകാശത്തിലേക്ക് നയിക്കാനാണ് അല്ലാഹു മൂസാ യെ ദൃഷ്ടാന്തങ്ങളുമായി നിയോഗിച്ചത്. മൂസായെ പിന്‍പറ്റിയ വിശ്വാസികള്‍ക്ക് എന്തൊ ക്കെ എതിര്‍പ്പുകള്‍ നേരിടേണ്ടിവന്നെങ്കിലും അന്തിമപരിണിതി വിശ്വാസികള്‍ക്ക് നേട്ടവും കാഫിറുകള്‍ക്ക് കോട്ടവുമായിരുന്നു എന്നതുപോലെ മക്കയില്‍ പ്രവാചകന്‍റെ കാലത്തുണ്ടായിരുന്ന വിശ്വാസികള്‍ക്കും അദ്ദിക്ര്‍ ഏറ്റവും നല്ല നിലക്ക് പിന്‍പറ്റുന്ന അന്ത്യനാള്‍ വരെയു ള്ള വിശ്വാസികള്‍ക്കും തന്നെയാണ് അന്തിമവിജയം എന്നും, കാഫിറുകള്‍ എത്ര സംഘബലമുള്ളവരായാലും അവര്‍ പരാജയപ്പെടുകതന്നെ ചെയ്യും എന്നും പൂര്‍വ്വിക സംഭവ ങ്ങളില്‍ നിന്ന് പാഠം പഠിച്ചുകൊണ്ട് ക്ഷമ കൈക്കൊള്ളാനും നന്ദി പ്രകടിപ്പിക്കുന്നവരാ കാനുമാണ് സൂക്തം വിശ്വാസികളെ ഉണര്‍ത്തുന്നത്. ഇന്ന് ഇത്തരം സൂക്തങ്ങളെല്ലാം അ റബി ഖുര്‍ആനില്‍ വായിക്കുന്ന ലക്ഷ്യബോധം നഷ്ടപ്പെട്ട കപടവിശ്വാസികളും അവരെ അന്ധമായി പിന്‍പറ്റുന്ന പ്രജ്ഞയറ്റ അനുയായികളും 2: 168-169 ല്‍ വിവരിച്ച പ്രകാരം അ ദ്ദിക്റിനെ മൂടിവെച്ചും തള്ളിപ്പറഞ്ഞും കൊണ്ട് പിശാചിനെ സേവിച്ചുകൊണ്ടിരിക്കുന്ന വരും അവന്‍റെ കാല്‍പ്പാടുകള്‍ പിന്‍പറ്റിക്കൊണ്ടിരിക്കുന്നവരുമാണ്. 2: 286; 3: 181-182; 9: 80 തുടങ്ങിയ സൂക്തങ്ങളില്‍ വിവരിച്ച പ്രകാരം അവര്‍ 29 കള്ളവാദികളെ പിന്‍ പറ്റിക്കൊണ്ടിരി ക്കുന്നവരും 30-ാമത്തെ കള്ളവാദിയായ മസീഹുദ്ദജ്ജാലിനെ ആനയിച്ചുകൊണ്ടിരിക്കുന്ന വരുമാണ്. അദ്ദിക്റിനെ സത്യപ്പെടുത്തി ജീവിക്കുന്ന വിശ്വാസി ഭൂമിയുടെ തിരിച്ചുകറക്കവും മസീഹുദ്ദജ്ജാലിന്‍റെ വരവും നീട്ടിവെക്കുക എന്ന ലക്ഷ്യം വെച്ചുകൊണ്ട് 7: 205-206 ല്‍ വിവരിച്ച പ്രകാരം അദ്ദിക്ര്‍ ലോകര്‍ക്ക് എത്തിച്ചുകൊടുക്കുന്നതിന് വേണ്ടി പ്രയത്നിക്കുന്ന താണ്. 10: 88-92, 103; 13: 2-4, 22-25 വിശദീകരണം നോക്കുക.